Steingervingafræði
Steingervingafræðingar í Perú hafa nýlega fundið rafklumpa sem innihalda afar vel varðveittar leifar smádýra og plantna.
Áætlað er að rafið sé 12 – 15 milljón ára gamalt og hér er að finna steingervinga af býflugum, vespum, flugum, mýi, bjöllum, maurum og blóðmaurum – og að auki smásæjar leifar frjokorna, sveppa, mosa, þörunga, baktería og spora.
Þannig hafa vísindamennirnir fundið 17 áður óþekktar tegundir af skordýrum og köngulóm frá forsögulegum tíma á Amasónsvæðinu og í sumum steingervinganna er innihald í einstökum frumum alveg ósnortið og vísindamennirnir geta því greint erfðaefnið og á grundvelli þess staðsett þessar lífverur á ættartré þróunarsögunnar.
Fjölbreytnin bendir til að lífríkið á Amasónsvæðinu hafi verið óhemju fjölbreytt fyrir 12 milljónum ára. Stór hluti þessara lífvera hefur þrifist í hlýju og röku loftslagi og vísindamennirnir draga af því þá ályktun að loftslagið hafi á þessum tíma verið svipað og nú.
Rafsteingervingar eru fáséðir í Suður-Ameríku og hafa hingað til aðeins fundist í Patagóníu, Frönsku Gvæana og Brasilíu.