Anne-Marie Stomp og Jay Cheng hafa unnið lífrænt eldsneyti úr vatnadoppu.

Vatnadoppa breiðir út blöð sín á kyrrum stöðuvötnum og er víða kölluð andagras. En nú segja vísindamenn hjá ríkisháskólanum í Norður-Karólínu í Bandaríkjunum að þessi jurt sé alveg kjörin til að koma í staðinn fyrir maís og aðrar kornjurtir til framleiðslu á lífrænu eldsneyti. Í tilraunaskyni var plantan ræktuð í frárennsli frá svínabúi og reyndist þá framleiða fimmfalt meiri línsterkju en annað korn. Úr sterkjunni er unnið etanól í fyrstu umferð í framleiðslu lífræns eldsneytis. En að auki reyndist vatnadoppan hreinsa frárennslisvatnið svo vel að eftir gegnumstreymið mátti nota vatnið aftur.

Þessi planta hefur svo líka þann kost að hún þarf hvorki áburð né vökvun. Vísindamennirnir leita nú að allra hagvæmustu ræktunarleiðunum.