Nákvæmar hellamyndir í Norður-Ástralíu eru gerðar um 800 árum áður en Bretarnir komu.

Þúsund ára gamlar hellamyndir í Norður-Ástralíu sýna að frumbyggjar álfunnar voru í sambandi við umheiminn löngu áður en landkönnuðurinn James cook kom til Ástralíu árið 1770. Þetta segir Paul Tacon, prófessor við Griffith-háskóla í Queensland.

Sönnunin er að sögn Tacons fólgin í myndum sem sýna hús á eyjunni sulawesi í indónesíu, seglbáta frá sama svæði og teikning af apa í tré. Þetta bendir mjög ákveðið til að frumbyggjar Ástralíu hafi ferðast til sulawesi og eftir heimkomuna sagt frá þessu furðulega dýri.

Nákvæmar myndir af innviðum evrópskra skipa, gerðar mörgum kynslóðum áður en bresku skipin komu, vekja nú líka spurningar um fortíð frumbyggjanna og munu breyta sögunni, þegar tekst að túlka þær á réttan hátt.