Myndirnar sem vakið hafa svo mikla athygli sýna um 8.000 metra langa goshveri út frá kórónu sólarinnar, sem er innsta lag gufuhvolfsins.

Stjörnufræði

Japanski geimsjónaukinn Hinode hefur nú sent vísindamönnunum nýjar og merkilegar myndir af jarðvirkni á yfirborði sólarinnar. Í staðinn fyrir myndir af fremur kyrrlátu ljóshvolfinu, sem er um 4.000 stiga heitt og þunnt lag í gufuhvolfi sólarinnar, sem vísindamennirnir áttu von á að sjá blöstu við þeim myndir af risavöxnum og allt að 8.000 km löngum goshverum, sem spúðu plasma út úr lithvolfinu.

Atferli öflugra segulsviða við yfirborðið vakti vísindamönnunum einnig undrun. Að sögn vísindamanna við bandarísku Harvard-Smithsonian stjarneðlisfræðistofnunina í Cambridge ættu segulsvið að myndast við yfirborð sólar og þeytast þaðan út í geiminn, en myndir frá Hinode sýna þvert á móti öflug segulsvið rísa af yfirborðinu en snúa síðan við í sömu stefnu, rétt eins og í uppgjöf vegna ofþreytu.

Stjörnufræðingarnir telja að myndirnar kunni að geta skýrt hvers vegna gufuhvolf sólarinnar er heitast yst en ekki öfugt. Nú telja vísindamennirnir nefnilega að þessir nýuppgötvuðu goshverir og segulsviðin varpi gríðarlegri orku út í ytri hluta gufuhvolfsins og hiti þannig ysta lagið til mikilla muna.