Ný, frönsk hönnun gæti orðið valkostur við þá vatnssvelgi sem uppþvottavélarnar okkar eru. Tæknin hefur reyndar lengi verið notuð í gullsmíði en gæti nú haldið innreið sína í eldhús almennings.

Þessi uppþvottavél notar hátíðnihljóð til að mynda smásæjar bólur sem fjarlægja hverja örðu af matarleifum af diskunum. Fræðiheitið á fyrirbrigðinu er „cavitation“ eða „holrúmamyndun“ og diskar og önnur eldhúsáhöld ættu að verða alveg tandurhrein. Með þessu lagi þarf miklu minna þvottaefni og orkan er sáralítil. Aðferðin er sem sagt vistvæn og að auki nánast alveg hljóðlaus.