Boltinn sem notaður var á HM í Suður-Afríku var sá hnöttóttasti sem nokkru sinni hefur verið framleiddur. Þetta fullyrða menn hjá Adidas sem framleiðir opinbera HM-boltann, en hann kallast Jabulani, sem á máli Zúlú-manna merkir „að fagna“. Boltinn er gerður úr ræmum sem saman mynda fullkomna hnattlögun og þannig hefur tekist að skapa enn hnöttóttari bolta en áður. Í yfirborðinu eru rákir, hannaðar á grundvelli loftaflsfræðinnar, sem tryggja eiga stöðuga hreyfingu boltans gegnum loftið. Boltinn var vandlega prófaður í vindgöngum í Loughboroughháskóla í Englandi. Allir Jabulani-boltar eru nákvæmlega 440 grömm og erum 69 sm að ummáli. Leikmenn mega því reikna með að boltinn sigli alltaf eins gegnum loftið þegar þeir sparka í átt að marki.