Sykurinn er hitaður upp og þrýstist gegnum litla holu. Þannig verður kandífloss til.

Kandífloss samanstendur einvörðungu úr sykri og litarefnum og er einfalt í framleiðslu með réttum tólum. Í miðju kandífloss - vélar er hellt sykri í skál, hann er síðan hitaður upp þar til sykurinn breytist úr að vera kristallaður í fljótandi form. Þegar skálinni er snúið þrýstist fljótandi sykur í gegnum fjölda lítilla gata. Um leið og sykurinn kemst í snertingu við loftið kólnar hann, en fær ekki tíma til að ná kristalformi sínu að nýju heldur myndar þess í stað hina vel þekktu sykurþræði.

Í stærri skál safnast sykurþræðirnir meðfram brúninni og þegar pinna er stungið þar niður klístrast sykurþræðirnir á pinnann og innan stundar er kandíflossið tilbúið.

Helli maður vatni yfir það leysast sykurþræðirnir upp og sjá má að kandífloss samanstendur af tveimur matskeiðum sykurs.