Með þessum hátæknibúnaði getur læknirinn bæði stýrt vitvélinni og fylgst með aðgerðinni á skannamyndunum.

Læknisfræði

Vitvél hefur nú í fyrsta sinn framkvæmt skurðaðgerð í öflugu segulsviði MRI-skanna. Róbottinn „NeuroArm“ laut fjarstýringu læknis við Calgary-háskóla. Læknirinn sat fyrir utan skurðstofuna og horfði á þrívíðar skannamyndir meðan hann skar krabbameinsæxli úr höfði konu sem leið vel eftir aðgerðina.

NeuroArm mun á mörgum sviðum auðvelda læknum að framkvæma gallalausa skurðaðgerð. Þessi vitvél sendir frá sér boð til baka þannig að læknirinn finnur gegnum stýripinna í höndum sér hversu fast hnífurinn sker í vefinn. Sérstök rafræn sía sér líka til þess að fíngerður titringur í hönd læknisins berist ekki til handar vitvélarinnar. Að auki má skala hreyfingar læknisins niður þannig að hann getur unnið af enn meiri nákvæmni. Það hefur tekið sjö ár að þróa þessa vitvél og enn er hún aðeins til í einu eintaki.