30 milljón rúmmetrar þeyttust út í sjó við jarðskjálftana í Alaska 1958.

Ásamt 7 ára syni sínum var Howard Ulrich að renna fyrir fiski á Liuya-flóa við Alaska þann 9. júlí 1958. Um níuleytið um kvöldið heyrðist ógnarlegur hávaði, þegar jarðskjálfti olli mikilli skriðu í fjallshlíð við ströndina. Meira en 30 milljón rúmmetrar af klöpp og grjóti þeyttust niður í hafið úr allt að 1.000 metra hæð. Augnabliki síðar reið risastór flóðbylgja yfir flóann. Fyrir einhverja ótrúlega heppni lenti bátkænan á toppi bylgjunnar og barst á miklum hraða inn að ströndinni hinum megin og síðan sömu leið til baka út á flóann miðjan. Tæpum hálftíma eftir upphaf flóðbylgunnar var sjórinn aftur orðinn lygn, en mælingar sýndu að flóðbylgjan hafði náð 500 metra hæð og þar með hæsta flóðbylgja sem skráð hefur verið.