Brunasellan geymir orku í minna rými og getur lengt notkunartíma farsíma.

Bandarískir efnafræðingar hafa þróað minnstu brunaselluna hingað til. Hún er aðeins 3x3 mm og 1 mm á þykkt. Ætlunin er að slíkar brunasellur geti komið í stað rafhlaðna í farsímum og fleiri smátækjum, en þær varðveita meiri orku í minna rými.

Fram að þessu hefur ekki tekist að smíða nægilega smáar dælur, en þann vanda hefur Saeed Moghaddam hjá Illinois-háskóla nú leyst með því að gera brunaselluna þannig úr garði að dælur séu óþarfar. Enn sem komið er framleiðir brunasellan ekki nema eitt milliamper með 0,7 volta spennu. Það dugar rafrænum skynjurum, en farsímar þurfa fáein volt.