Hjá Nikon eru menn ekki aðeins þekktir fyrir góðar myndavélar, heldur einnig að fikra sig áfram á landamærum tækninnar. Nú sendir fyrirtækið frá sér vasamyndavélina S1000pi, sem í er innbyggður skjávarpi. Þetta er venjuleg smámyndavél sem tekur myndir allt upp í 12 megadíla upplausn, en skjávarpinn getur sýnt ljósmyndir og kvikmyndir í fullum gæðum á allt að 40 tommu tjaldi. Skjávarpinn tekur þó talsvert rafmagn þannig að ekki er unnt að sýna allar 1.500 sumarfrísmyndirnar án þess að skipta um rafhlöður.

"