Í venjulegu ljósi er erfitt að greina textann en röntgenljósið kallar stafina fram.

Tækni

Nú hafa bandarískir vísindamenn við Cornell-háskóla þróað tækni sem fær þessa horfnu bókstafi til að skína. Smásæjar járnleifar úr meitli leturhöggvarans og blýi í litnum sem notaður var til að mála letrið, sitja enn á steininum. Þegar svonefndu röntgenflúorljósi er beint að þeim, taka þær að skína. Steinninn sjálfur lýsir líka í þessu ljósi en áhrifin á hann eru þó ekki hin sömu og því má vel greina mynstur sem sýnir nokkuð nákvæmlega hvernig stafirnir litu út.