3 tilgátur: Þess vegna grátum við

Maðurinn er eina tegundin sem finnur tárin þrýsta á þegar hann gleðst eða syrgir. Fyrir bragðið hafa vísindamenn árum saman reynt að finna skýringu á því hver tilgangur grátsins sé. Hér má lesa um þrjár af tilgátunum.

Maðurinn

Lestími: 1 mínúta

 

1. Félagslega tilgátan: Grátur varar umhverfið við

 

 

Þau tár sem falla þegar við erum sorgmædd innihalda meira prótein en tárin sem stöðugt þekja og hreinsa augu okkar. Sumir vísindamenn eru þeirrar skoðunar að próteinmagnið breyti áferð táranna með þeim afleiðingum að sorgartár renni hægar niður kinnarnar og að fleiri komi fyrir vikið auga á þau og geri sér grein fyrir að við höfum þörf fyrir athygli.

 

2. Nýja tilgátan: Grátur er aðferð líkamans til að bæla streitu

 

 

Svokölluð tilfinningatár fela í sér verkjastillandi, róandi efni sem kallast enkefalín. Fyrir bragðið er ein viðurkenndasta kenningin sú að þróunarfræðilegur ávinningur grátsins sé að losa líkamann við streitu.

 

 

3. Sérkennilega tilgátan: Grátur stafar frá þeim tíma er við lifðum í vatni

 

 

Á sjöunda áratug 20. aldar kunngjörði enskur sjávarlíffræðingur þá tilgátu sína að maðurinn ætti rætur að rekja til apa sem lifað hefði í vatni. Þess vegna trúði fólk því árum saman að tárin væru arfleifð frá forfeðrum okkar.

 

 

28.03.2021

 

 

 

 Rikke Jeppesen og Adam Fribo

(Visited 49 times, 1 visits today)

Tengdar Greinar

FULLUR AÐGANGUR AÐ VEFNUM Í 14 DAGA FYRIR 0 KRÓNUR

PRÓFAÐU 14 DAGA FYRIR 0 KRÓNUR