Eru í raun til A- og B- manneskjur?

Oft er talað um A- og B- manneskjur og að viðkomandi tilheyri öðrum hópnum. En eru þessir tveir hópar raunverulega til, eða er það bara mýta?

Maðurinn

Lestími: 4 mínútur

 

Vísindin hafa sýnt fram á að til eru mismunandi, náttúruleg svefnmynstur hjá fólki. Og tvö grundvallarmynstur eru einmitt þau sem í daglegu tali eru kölluð A- og B-manneskjur.

 

A-manneskjur eru með hressasta móti snemma á morgnana, en þreytast líka snemma á meðan B-manneskjur vakna seint en geta aftur á móti haldið sér vakandi langt fram eftir kvöldi.

 

Tilvist A- og B-fólks kom fyrst fram hjá  þýska geðlækninum Emil Kraepelin í upphafi 20. aldar.

 

Hann fékk hugmyndina um þessar tvær gerðir með samtölum við sjúklinga sína, sem hann uppgötvaði að flokkuðust venjulega í einn af tveimur flokkum og því fann hann upp hugtökin A- og B-manneskja.

 

Svefnvenjur geta ráðist af genum

Í dag telja vísindamenn að svefnvenjur stjórnist af erfðum..

 

Þetta kemur fram í  rannsókn frá árinu 2017 sem sjö bandarískir vísindamenn gerðu.

 

Það eru sex hópar fólks

 

Rússneski svefnrannsakandinn Arcady A. Putilov hefur fundið A- og B-manneskjur- og eins fjóra aðra svefnvenjuhópa.

 

  • Morguntýpan (A-manneskja)

A-fólk er hresst á morgnana og í meðallagi hresst um miðjan dag en þreytist snemma kvölds.

 

  • Kvöldtýpan (B-manneskja)

B-fólk er þreytt á morgnana, í meðallagi hresst um miðjan dag og hresst á kvöldin.

 

  • Virka týpan

Þessi hópur er venjulega frekar ferskur allan daginn.

 

  • Hádegislúratýpan

Byrjar daginn hress, þreytist um miðjan dag og endar sæmilega hress að kvöldi til.

 

  • Dagtýpan

Þessi hópur byrjar daginn rólega, er sérlega hress um miðjan dag og endar daginn sæmilega hress.

 

  • Meðallagstýpan

Þessi hópur hefur jafna en frekar lága orku allan daginn.

 

Lestu einnig:

 

Vísindamennirnir rannsökuðu m.a. tvíbura sem ólust upp hvor í sínu lagi og komust að því að þeir voru í sama svefnvenjuhópi óháð umhverfi.

 

Ef svefnvenjur eru í raun bundið genunum, gæti það hafa skipt máli fyrir þróun mannsins.

 

Veiðimanna – og safnarasamfélög fortíðarinnar á svæðum þar sem voru rándýr eða aðrir hópar manna, var nánast alltaf einhver sem var vakandi og gat staðið vaktina.

 

En þrátt fyrir að það séu að minnsta kosti tveir – og jafnvel sex mismunandi svefnvenjuhópar manna, sem hinn rússneskur vísindamaður hélt fram að hann hefði uppgötvað árið 2017, virðist vera að heildarþörfin fyrir svefn sé nokkurn vegin sú sama hjá öllum.

 

Þörfin er á milli átta og 11 tíma fyrir börn og unglinga og milli sjö og níu tíma fyrir fullorðna.

 

 

Birt 30.07.2021

 

 

NIELS HALFDAN HANSEN

 

 

(Visited 1.310 times, 1 visits today)

Tengdar Greinar

FULLUR AÐGANGUR AÐ VEFNUM Í 14 DAGA FYRIR 0 KRÓNUR

PRÓFAÐU 14 DAGA FYRIR 0 KRÓNUR