Síamstvíburar giftust og eignuðust börn

ÚR SKJALASAFNINU: Þeir voru með tvö hjörtu, fjórar hendur og sameiginleg kynfæri en það var engin hindrun fyrir tvíburana Giacomo og Giovanni Babtista. Það er sagt að þeir hafi báðir gifst og eignast börn – með sitt hvorri konunni.

MAÐURINN – LÍKAMINN

 

LESTÍMI: 3 MÍNÚTUR

Þegar hin 19 ára Maria Luigia Mezzanroza fékk fæðingarhríðir um morguninn 4. október árið 1877, datt engum í hug að afkomendur hennar yrðu heimsfrægir næstu 20 árin.


Því tvíburarnir Giacomo og Giovanni Babtista voru frekar óvenjulegir. Þeir voru með tvö höfuð og fjórar hendur, einn líkama og aðeins eitt sett fótleggja.

Bræðurnir Giacomo og Giovanni Tocci höfðu sameiginlegan líkama frá nafla og niður en lifðu sem tveir einstaklingar.

Á 17. öld höfðu flestir læknar mikinn áhuga á líffærafræði. Vansköpun var mikið rannsökuð, allt frá tvíhöfða kjúklingum til sexfættra kálfa og síamstvíbura – mest heillandi og ógnvekjandi af þessu öllu.

Óskipt egg ástæðan fyrir vansköpuninni

Síamstvíburar er öfgafullt form eineggja tvíbura. Þetta gerist þegar egg sem ætti að hafa skipt sér í tvo aðskipta hluti, hefur af einhverjum ástæðum ekki skipt sér fullkomlega. Niðurstaðan er því tvö börn sem eru vaxin saman eða hafa meira og minna sömu líffæri.

 

Hvorki Maria né maðurinn hennar, Giovanni Tocci, höfðu mikinn áhuga á læknisfræðilegum þáttum barna þeirra. Þau sáu frekar möguleikana á að græða peninga á þeim.

Voru til sýnis í Torino

Tvíburarnir voru aðeins um mánaðar gamlir þegar Giovanni fór með þá til Torino í því skini að sýna þá. Þar voru þeir í fyrsta sinn rannsakaðir af læknum, tveimur prófessorum frá læknadeild háskólans í Torino. Eftir að hafa greitt rétt verð komust þeir að því að tvíburarnir höfðu hvor um sig hjarta og lungu.

 

Seinni skoðanir sýndu fram á að þeir höfðu hvor sinn maga en sameiginlega þarma, sameiginleg kynfæri og eitt þarmaop.

 

Greinin heldur áfram undir myndinni.

Drógu sig úr sviðsljósinu og eignuðust fjölskyldu

Næstu 20 árin ferðuðust foreldrar þeirra um alla Evrópu og Bandaríkin með Tocci- tvíburana. Strákarnir þénuðu mikið en þegar þeir náðu tvítugsaldri höfðu þeir fengið nóg af þessum sýningum.

 

Þeir keyptu hús í Feneyjum og drógu sig svo mikið úr sviðsljósinu að ekki er vitað með óyggjandi hætti hvað varð um þá eða hvenær þeir létust.

 

Þeir eiga þó að hafa gifst – sitt hvorri konunni og eignast með þeim börn.

Giovanni og Maria Tocci eignuðust einnig vel sköpuð börn. Á myndinni sést ein dætra þeirra.

(Visited 1.042 times, 1 visits today)

Pin It on Pinterest

Share This

Fá þér
áskrift?

Við erum með fullt blað af spennandi greinum einsog þeim sem þú ert búin/n að vera að lesa og meira til.