Hver hringdi í fyrsta sinn úr farsíma?

Árið 1973 hóf bandaríski uppfinningamaðurinn og verkfræðingurinn Martin Cooper nýtt tímabil þegar hann hringdi í vinnustað sinn úr nýjustu uppfinningunni.

Tækni

Lestími: 2 mínútur

 

Fyrsta símtalið frá færanlegum síma var 17. júní árið 1946 þegar bandaríska símafyrirtækið Bell System sýndi önnum köfnum kaupsýslumönnum nýjustu uppfinningu sína. Uppfinningin var u.þ.b. 35 kg þungur sími sem hægt var að geyma í skottinu á bíl.

 

Þegar notandinn vildi hringja, lyfti hann símtólinu og fékk aðgang að skiptiborði sem áframsendi símtalið til  rétts viðtakanda. Þjónustan var aðeins fáanleg í helstu borgum Bandaríkjanna og þjónustaði u.þ.b. 5.000 viðskiptavini árið 1948. Kerfið var í notkun í Bandaríkjunum allt fram á níunda áratuginn.

 

Myndband: Sjáðu sjónvarpsauglýsingu um fyrsta farsímann

 

Verkfræðingur notaði fyrsta farsímann

Fyrsta símtalið frá nútímalegri, handheldum farsíma fór ekki fram fyrr en þremur áratugum síðar – 3. apríl 1973 – þegar Martin Cooper, verkfræðingur hjá fjarskiptafyrirtækinu Motorola, hringdi frá miðbæ New York til höfuðstöðva fyrirtækisins í New Jersey .

 

Símtalið var framkvæmt með byltingakenndri tækni sem Cooper sjálfur hafði aðstoðað við að þróa: Motorola DynaTAC 8000X, sem árið 1984 varð fyrsti almenni farsíminn sögunnar. Þegar síminn kom á markað kostaði hann sem samsvaraði 1,3 milljónum núvirðis krónum.

 

 

Birt 04.08.2021

 

 

Emrah Sütcü

 

 

(Visited 655 times, 1 visits today)

Tengdar Greinar

FULLUR AÐGANGUR AÐ VEFNUM Í 14 DAGA FYRIR 0 KRÓNUR

PRÓFAÐU 14 DAGA FYRIR 0 KRÓNUR