Skrifað af Alheimurinn Stjörnufræði Tækni Uppfinningar

Hefur norður alltaf snúið upp á kortum?

Norður tók að snúa upp á landakortum á 15. öld. Eitt af fyrstu kortunum þar sem norður sneri upp kallast Imago Mundi (Heimsmynd) og er að finna í bók frá 1483. Á þeim tíma var annars til siðs að láta austur snúa upp.

Mörg af fyrstu landakortunum geta ekki talist landabréf í hefðbundinni merkingu, heldur sýna þau táknrænan heim, byggðan á biblíunni. Jerúsalem og Paradís eru í austri og þessir staðir voru settir efst. Eitt elstu kortanna sem ekki hefur trúarlegar tengingar, er frá 7. eða 8. öld og þar sneri austur líka upp.

Þegar þekking manna á heiminum jókst var farið að teikna landakort sem einkum voru ætluð sæfarendum. Landkönnuðirnir áttu uppruna sinn á norðurhveli og það kynni að hafa átt þátt í því að norður og austur höfðu sætaskipti í þessu tilliti.

Árið 1550 tókst að ákvarða segulnorðurpólinn og 1569 gaf flæmski landfræðingurinn Gerardus Mercator út heimskort þar sem hann hafði norðurpólinn með. Eftir þetta breiddist út sá siður að láta norður snúa upp á kortum. Á tímum aukinna samskipta áttu menn líka auðveldara með að skilja hver annan þegar allir teiknuðu heiminn á sama hátt.

Subtitle:
Maður gæti haldið að austur hefði talist mikilvægari átt í augum ferðamanna á fyrri tíð?
Old ID:
826
643
(Visited 24 times, 1 visits today)
Síðast breytt: nóvember 21, 2019

Pin It on Pinterest

Share This

Fá þér
áskrift?

Við erum með fullt blað af spennandi greinum einsog þeim sem þú ert búin/n að vera að lesa og meira til.