Hverju laðast konur og karlar að þegar þau fara á stefnumót við manneskjur sem þau þekkja ekki?
Vísindamenn frá Kaliforníuháskóla hafa reynt að finna svarið við þessu í nýrri rannsókn þar sem þeir hafa skoðað gögn frá 4.500 blindum stefnumótum.
Rannsóknin sýndi eitt sem kom á óvart og sem langflestir karlar og konur áttu sameiginlegt, óháð aldri.
Þátttakendur voru á aldrinum 22 til 85 ára og er rannsóknin sú fyrsta sinnar tegundar þar sem vísindamenn hafa skoðað aldur og aðdráttarafl þátttakenda.
Niðurstaðan sýndi að konur og karlar laðast að yngra fólki og það stangast á við þekkingu vísindamannanna. Þetta kemur fram í fréttatilkynningu.
App tengdi saman einhleypa
Hin nýja rannsókn er byggð á gögnum frá stefnumótaappinu Tawkify, þar sem einhleypir eru paraði saman við aðra einhleypa.
Þátttakendur, sem allir eru notendur appsins, þurftu að meta , með appinu, hvernig gekk eftir stefnumót.
Með því að rýna í gögnin komust vísindamennirnir bandarísku að því að bæði karlar og konur laðast að yngra fólki.
Óvænt niðurstaða
Paul Eastwick, prófessor í sálfræði og einn þeirra vísindamanna sem unnu rannsóknina, útskýrir að konur laðist sérstaklega að örlítið yngri körlum.
Ást skapar glundroða í heilanum
Það að vera ástfangin er sæluvíma en getur svefninn raskast og ástin lætur þig gera alls konar heimskulega hluti. Skýringuna er að finna í tveimur af taugaboðefnum heilans.
1. Boðefni kalla fram vímu
Ástartilfinningin hefst þegar taugaboðefnin í heilanum eru ekki í jafnvægi. Magn hamingjuefnisins dópamíns eykst í einu neti taugafrumna (appelsínugult) en magn serótóníns minnkar í öðru (rauðu).
2. Ennisblaðið slekkur á skynseminni
Ójafnvægi í boðefnum hefur m.a. áhrif á: ennisblað heilans (blátt), sem stjórnar sjálfsvitund okkar, gagnrýnni hugsun og skynsamlegri hegðun. Niðurstaðan getur verið sú að við hegðum okkur ekki eins skynsamlega – eða beinlínis heimskulega.
3. Undirstúkan raskar svefni
Taugaboðefnið serótónín hefur áhrif á undirstúku (grænt) sem stjórnar svefni okkar og lækkun serótónínmagns gæti skýrt hvers vegna þeir sem nýlega hafa orðið ástfangnir sofa minna en aðrir. Á sama tíma gefur dópamínið ávanabindandi vímu.
„Það kemur mjög á óvart vegna þess að konur segjast vilja eldri einstakling í nánast öllum rannsóknum sem gerðar hafa verið,“ segir Paul Eastwick.
Hann telur að rannsókn þeirra sýni að þátttakendur telji sig vera að leita einhverju sem er langt frá því sem þeir í raun laðast að þegar þeir hitta annað fólk.
Rannsóknin sýndi að karlar laðast líka að yngri konum.
Að sögn prófessorsins var gagnagrunnurinn ekki nógu stór til að hægt væri að komast að því hvort það sama ætti við um konur sem leituðu annarra kvenna og karla sem leituðu annarra karla.
Rannsóknin birtist í vísindatímaritinu Proceedings of the National Academy of Sciences.
