Skrifað af Loftlag og umhverfi

Áhrif manna sjást um öll heimshöfin

Umhverfi

Aðgerðir manna á heimshöfunum hafa orðið sífellt víðtækari á síðustu öldum. Til að skapa sér heildarmynd af áhrifunum á höfin hefur hópur sjávarfræðinga, m.a. hjá umhverfisgreiningarstofnuninni í Santa Barbara í Bandaríkjunum, sett saman nýtt heimskort þar sem nýttar eru upplýsingar af 17 mismunandi sviðum til að meta heildaráhrifin.

Að grunni til byggist nýja heimskortið á allnokkrum viðamiklum og víðtækum þekkingarsviðum þar sem til voru hnattrænar upplýsingar. Hér má m.a. nefna fiskveiðar, siglingar, mengun sem berst af þurrlendi, aðflutningar nýrra tegunda til ákveðinna svæða, breytingar á útfjólublárri geislun og súrnun sjávar vegna aukins koltvísýrings í gufuhvolfinu. Allir þessir þættir voru settir inn í reiknilíkan þar sem m.a. voru metin áhrif einstakra þátta á mismunandi hafsvæðum. Hér var t.d. tekið tillit til þess að hafsvæði með fjölbreyttu vistkerfi verður fyrir meiri áhrifum en hafsvæði þar sem vistkerfi eru fábreyttari.

Að öllu samanlögðu varð niðurstaðan sú að einungis um 3,7% hafsvæða á hnettinum hafi orðið fyrir litlum eða litlum sem engum áhrifum, en 41% hafsvæða hafi orðið fyrir miklum eða mjög miklum áhrifum.

Subtitle:
Sjávarfræðingar hafa kortlagt áhrif manna á heimshöfin með samanburði á 17 mismunandi gerðum upplýsinga.
Old ID:
636
473
(Visited 12 times, 1 visits today)
Síðast breytt: nóvember 21, 2019

Pin It on Pinterest

Share This