Vísindamaður: Við getum slökkt á hnattrænni hlýnun á nokkrum árum

Takist að stöðva losun koltvísýrings, þá getur hnötturinn sjálfur sogað í sig gróðurhúsalofttegundir - og þar með stöðvað hnattræna hlýnun. Þetta segir Michael Mann við Penn State University, einn fremsti loftslagsfræðingur heims.

Náttúran – Loftslagsbreytingar

Lestími: 3 mínútur

Margir sérfræðingar óttast að núna sé búið að missa tökin á hnattrænni hlýnun og að það muni taka marga áratugi að hamla aftur af henni, jafnvel þó að losun á CO2 sé stöðvuð.

 

Hugmynd þeirra hefur verið sú að nú þegar sé búið að safnast upp slíkt magn af koltvísýringi í lofthjúpnum að hitastigið haldi áfram að hækka, þrátt fyrir að okkur takist að ná svokölluðu loftslagshlutleysi.

 

En nú kveður við öllu bjartsýnni tónn frá hinum virta loftslagsfræðingi Michael Mann sem starfar við Penn State University.

Sjáið Michael Mann ræða hugmyndir sínar í 60 Minutes:

Bandaríski prófessorinn telur að unnt sé að koma loftslaginu í jafnvægi mun hraðar en menn hafa talið fram til þessa og að mörg fyrri lofslagslíkön hafi ofmetið hve lengi CO2 – magn í andrúmsloftinu mun vera skaðlegt.

 

Hann telur að í raun megi bremsa hlýnunina niður á fáeinum árum, takist okkur að stöðva losun á CO2.

 

Hafið virkar eins og niðurfall

 

Michael Mann vill að hætt sé að einblína á uppsöfnun CO2 í andrúmsloftinu og að þess í stað sé litið til náttúrulegrar upptöku gróðurhúsalofttegunda.

 

Hann leggur til að maður hugsi sér CO2-hringrásina eins og handlaug: Þrátt fyrir að það sé opið fyrir kranann – líkt og CO2 streymir út úr skorsteinum og safnast upp í lofthjúpnum – þá mun geta úthafanna og plantnanna virka á sama tíma eins og niðurfall sem kemur í veg fyrir að CO2 flæði yfir brúnina á handlauginni.

 

Til þessa hefur vandinn falist í að losun gróðurhúsalofttegunda er alltof mikil til að niðurfallið geti tekið við öllu magninu.

 

En þökk sé ljóstillífun þörunga – þar sem CO2 og vatni er breytt í súrefni og glúkósa – eru úthöfin fær um að taka upp gríðarlegt magn af koltvísýringi. Meðan losunin eykst stöðugt, þá geta úthöfin ekki tekið nóg af CO2 til sín til að hamla hlýnun jarðar. En ef hægt er að stöðva losunina, mun „niðurfall“ úthafanna koma í veg fyrir uppsöfnun koltvísýrings í lofthjúpnum.

 

Fyrst þarf að stöðva losunina

 

Mann telur núverandi spár um hækkun hitastigs vera alltof svartsýnar. Meðan vísindamenn hafa sagt að hlýnun muni halda áfram í marga áratugi eftir að loftslagshlutleysi hefur verið náð, þá telur Mann að réttara sé að tala um þrjú til fimm ár.

 

(Visited 2.292 times, 1 visits today)

Pin It on Pinterest

Share This

Fá þér
áskrift?

Við erum með fullt blað af spennandi greinum einsog þeim sem þú ert búin/n að vera að lesa og meira til.