Með því að fylgjast með leik höfrunga hefur sálfræðingurinn Stan Kuczaj komist að þeirri niðurstöðu að þessi skynsömu sjávardýr búi yfir eins konar menningu sem þau kenni afkomendum sínum.

Eftir margra ára rannsóknir hefur Kuczaj og sá hópur vísindamanna sem hann stýrir skjalfest að höfrungarnir gera leiki sína smám saman flóknari, hugsanlega í þeim tilgangi að læra meira af þeim.

“Þessar athuganir styðja þá hugsun að leikur þroski mótun þeirrar hæfni sem þarf til að leysa vandamál,” segir Kuczaj.

Ungir og eldri höfrungar leika sér saman þannig að sú reynsla sem flokkurinn hefur aflað berst áfram til yngri kynslóða og eykur um leið möguleikana á að lifa af. Það sem gæti virst saklaus leikur er sem sagt aðferð til að koma “menningararfleifðinni” áfram.