Allir sötruðu þeir kaffi í Vínarborg árið 1913

Árin fyrir heimstyrjaldirnar bjuggu Sigmund Freud, Lev Trotskí, Jósef Stalín, Jósep Tító og Adolf Hitler í Vínarborg.

LESTÍMI: 3 MÍNÚTUR

 

Árið 1913 bjuggu fimm menn örfáa kílómetra hver frá öðrum í Vínarborg, höfuðborg austurrísk-ungverska ríkisins sem hver um sig átti eftir að setja mark sitt á söguna, á einn eða annan hátt.

 

Einn þessara manna var hinn 24 ára gamli Adolf Hitler sem reyndi að hafa ofan af fyrir sér sem listmálari. Hann þénaði svo lítið að hann neyddist til að búa á fátækraheimili í grennd við ána Dóná.

 

Í örfárra kílómetra fjarlægð bjó ungur rússneskur andófsmaður sem var á flótta undan rússnesku leyniþjónustunni.

 

Sá hét Lev Trotskí en hann varð leiðtogi Rauða hersins árið 1918. Árið 1913 hitti Trotskí annan pólitískan flóttamann sem þekktur var sem Stalín, höfuðóvin Hitlers síðar meir.

 

Þar sem Trotskí og Stalín rökræddu stjórnmál á kaffistofum Vínarborgar hafa þeir hugsanlega rekist á annan af væntanlegum fjandmönnum Hitlers sem einnig dvaldi í borginni.

 

Hér er að sjálfsögðu um að ræða Króatann Jósep Tító sem leiddi baráttu júgóslavneskra skæruliða gegn hersveitum Hitlers í seinni heimsstyrjöldinni og varð síðan leiðtogi landsins.

 

Í miðbæ Vínarborgar gátu mennirnir fjórir virt fyrir sér Belvedere höllina, þar sem erkihertoginn Frans Ferdinand hafði aðsetur sitt en morðið á honum leysti úr læðingi fyrri heimsstyrjöld árið 1914.

 

Lev Trotskí gaf út blaðið Pravda í Vínarborg, þar sem hann bjó í 19. hverfi.

Jósep Tító starfaði í Daimler bifreiðaverksmiðjunni skammt fyrir utan Vínarborg og kom oft til borgarinnar.

Jósef Stalín dvaldi í 12. hverfi Vínarborgar í mánuð og hitti meðal annarra Trotskí.

Adolf Hitler bjó í Vínarborg á árunum 1908-13, þar sem hann reyndi að komast inn í listaháskólann.

Sigmund Freud flutti til Vínarborgar árið 1860 og bjó þar til ársins 1938. Sálgreinandinn gaf út ritgerðina „Tótem og tabú“ árið 1913.

Frans Ferdinand bjó í Belvedere höllinni, þar til hann var skotinn til bana árið 1914.

 

Birt: 27.11.2021

 

 

 

Niels-Peter Granzow Busch

 

 

Lestu einnig:

(Visited 645 times, 1 visits today)

Tengdar Greinar

FULLUR AÐGANGUR AÐ VEFNUM Í 14 DAGA FYRIR 0 KRÓNUR

PRÓFAÐU 14 DAGA FYRIR 0 KRÓNUR