Hvað voru fyrsta og annað ríkið?

LIFANDI SAGA: Þýskaland á tímum Hitlers er iðulega nefnt Þriðja ríkið. Hvaða ríki voru þá fyrsta og annað ríkið?

Samfélag

Lestími: 2 mínútur

 

Hugtökin fyrsta, annað og þriðja ríkið eiga rætur að rekja til þýska menningarsagnfræðingsins Arthurs Moeller van den Bruck.

 

Í bók sinni „Das Dritte Reich“ (Þriðja ríkið) frá árinu 1923 lýsti hann þremur tímabilum í sögu Þýskalands.

 

Fyrsta tímabilið hófst með stofnun Þýsk-rómverska ríkisins árið 962 og því lauk ekki fyrr en ríkið var leyst upp árið 1806. 

 

Fyrsta ríkið varð til árið 962 þegar páfinn krýndi Þjóðverjann Ottó 1. til keisara yfir Þýsk-rómverska ríkinu.

© Picture Desk & Bridgeman & Polfoto/Corbis

 

Moeller tímasetti upphaf annars ríkisins frá 1871 en þá voru þýsku smáríkin sameinuð undir yfirráðum Prússa.

 

Annað ríkið leystist upp þegar Þjóðverjar biðu ósigur í heimsstyrjöldinni fyrri árið 1918.

 

Þriðja ríkið kvað Moeller myndu verða stofnað þegar hið þýska Weimar-lýðveldi millistríðsáranna liði undir lok.

 

Spádómur hans virtist ætla að rætast þegar nasistar komust til valda árið 1933.

 

Annað ríkið varð til þegar Þýskaland var sameinað árið 1871 og Prússakonungur var krýndur keisari.

© Picture Desk & Bridgeman & Polfoto/Corbis

 

Hitler líkaði þó ekki heitið og sumarið 1939 lagði hann blátt bann við því að fréttamenn kölluðu Þýskaland Þriðja ríkið.

 

05.06.2021

 

 

Esben Mønster-Kjær

(Visited 1.340 times, 1 visits today)

Tengdar Greinar

No Content Available

FULLUR AÐGANGUR AÐ VEFNUM Í 14 DAGA FYRIR 0 KRÓNUR

PRÓFAÐU 14 DAGA FYRIR 0 KRÓNUR