Hvers vegna er New York kölluð „Stóra eplið“?

Hugtakið „Stóra eplið“ (The Big Apple) birtist í fyrsta sinn á prenti í vinsælu blaði sem fjallaði um hestamennsku og gælunafnið varð strax á hvers manns vörum.

Lifandi saga – Samfélag

Lestími: 2 mínútur

 

 

Gælunafn stórborgarinnar New York, „Stóra eplið“ á rætur að rekja til hestaíþrótta en knapar og þjálfarar í litlu hesthúsunum í Bandaríkjunum notuðu hugtakið yfir þær gríðarlegu peningaupphæðir sem hægt var að vinna á veðreiðunum í New York.

 

Maðurinn að baki vinsæla gælunafninu „Stóra eplið“ var blaðamaðurinn John J. Fitz Gerald.

 

Hann skrifaði vinsæla pistla um veðreiðar í dagblaðið „The Morning Telegraph“ og grein ein sem hann ritaði í febrúar 1924 hófst á þessum orðum: 

 

„Stóra eplið: Draumur hvers manns sem hefur nokkru sinni riðið hreinræktuðum enskum hestum og markmið allra hestamanna. Það fyrirfinnst aðeins þetta eina sanna „Stóra epli“ og það er New York“.

 

Þetta var í fyrsta sinn sem hugtakið birtist á prenti, svo vitað sé.

 

 

Djass-spilarar sáu um afganginn

 

Big Apple átti eftir að koma fyrir hvað eftir annað í þessum hestamannapistlum og þaðan breiddist heitið yfir í aðrar blaðagreinar og varð einnig vinsælt sem heiti á næturklúbbum.

 

Jazztónlistarmenn í New York sem höfðu það fyrir sið að syngja um heimaborg sína, áttu samt mestan heiðurinn af því að breiða út hið nýja gælunafn borgarinnar hvert sem þeir fóru.

 

Á áttunda áratug 20. aldar eignaði borgarstjórnin í New York sér heitið og notaði það í auglýsingum sem höfðu það markmið að laða að ferðamenn til borgarinnar.

 

Í þakklætisskyni til Fitz Geralds var horninu, þar sem hann á sínum tíma hafði átt heima, gefið nýtt heiti og frá árinu 1997 hefur það verið nefnt „Big Apple Corner“.

 

 

Birt: 10.06.2021

 

 

Emrah Sütcü & Bue Kindtler-Nielsen

 

 

 

(Visited 1.090 times, 1 visits today)

Tengdar Greinar

No Content Available

FULLUR AÐGANGUR AÐ VEFNUM Í 14 DAGA FYRIR 0 KRÓNUR

PRÓFAÐU 14 DAGA FYRIR 0 KRÓNUR