Skrifað af Líkaminn Maðurinn

5 ástæður þess að okkur á að þykja vænt um fituna

Fita hefur á sér illt orð en í raun réttri eru 10-15 kg af spiki okkur lífsnauðsynleg.

1. Fita heldur frumunum saman

Stóran hluta af fitu líkamans er að finna sem þunnt lag af fitusýrum umhverfis frumurnar þar sem fitan bæði aðgreinir þær og heldur þeim saman.

Taugafrumur heilans fela í sér einkar mikla fitu sem eykur hraða taugaboðanna.

2. Fituvefur viðheldur ónæmiskerfinu

Fituvefurinn er ekki einungis óvirkur fituforði, heldur er um að ræða virk líffæri sem framleiða estrógen, leptín og hartnær 25 önnur hormón og hormónalík efni.

Starfsemi þessi hefur áhrif um gjörvallan líkamann og stjórnar m.a. efnaskiptum og ónæmiskerfinu.

3. Umframorka safnast upp í fitu

Fita gagnast betur en kolvetni og prótein til að geyma umfram orku eftir máltíð.

Fitan felur í sér helmingi meiri orku, auk þess sem vatn binst ekki í henni. Þetta heftir umfangið á  orkuforða líkamans.

4. Há fituprósenta ver gegn kulda

Fituprósenta hvítabjarna er yfir 50 af hundraði og fyrir vikið tekst björnum þessum að halda á sér hita í jökulköldu Íshafinu, því fitan undir húð þeirra einangrar mjög vel gegn kulda.

Þó svo að fituprósentan nemi aðeins fimmtíu af hundraði ver fitan fjarska vel gegn kulda.

5. Brún fita ver okkur einkar vel gegn kulda

Frumurnar breyta næringarefnum að öllu jöfnu í sameindina ATP, sem virkjar ýmiss konar starfsemi í líkamanum.

Svonefnd brún fita getur breytt framleiðslu sameindarinnar og brennt orkunni í staðinn sem hita ef okkur verður kalt.

Fitustaðreyndir:

Fitustaðreyndir:

– Fituforðinn er eins konar bandvefur sem er að finna undir húðinni.
– Hver og ein fitufruma er aðeins um 0,1 mm í þvermál og næstum allt innihald hennar er að hluta til fljótandi.
– Því fleiri orkurík næringarefni sem fitufrumurnar taka upp úr blóðinu og breyta í fitu, þeim mun stærri verður fruman.
(Visited 1.814 times, 1 visits today)
Síðast breytt: apríl 22, 2020

Pin It on Pinterest

Share This

Fá þér
áskrift?

Við erum með fullt blað af spennandi greinum einsog þeim sem þú ert búin/n að vera að lesa og meira til.