Hvers vegna hafa sumir óbeit á kóríander?

Finnst þér kóríander bragðast líkt og sápa? Þú ert ekki ein(n) um þá skoðun. Alls 17 prósent Evrópubúa gretta sig þegar þeir bragða á kryddjurt þessari. Skýringin er bæði fólgin í menningu okkar og erfðafræðinni.

Lestími: 2 mínútur

Vísindamenn hafa komist að raun um að þeir sem hafa óbeit á bragði og lykt af kóríander (coriandrum sativum), eiga það sameiginlegt að vera með erfðafræðilegt frávik á litningi 11.

Flestir þessara kvarta yfir að kóríander bragðist eins og sápa.

Frávikið á litningi 11 tengist erfðavísinum OR6A2 sem kóðar fyrir eiginleika okkar til að skynja lífræn efnasambönd sem nefnast aldehýð og minnt geta á sápu en þau eiga þátt í bragði og lykt af kóríander. Þetta er þó ekki unnt að skýra með erfðafræðinni einni saman.

Sumt fólk er með erfðafræðilegt frávik tengt skynjun aldehýða sem er að finna í kóríander. Bragðið getur minnt á sápu.

Alls 17 prósent Evrópubúa gretta sig yfir bragðinu

Hefðbundin fæða sem felur í sér kóríander á sennilega þátt í að íbúar víðs vegar um heim hafa vanist bragðtegundinni.

Í Evrópu, þar sem ekki er hefð fyrir mikilli notkun á kóríander, gretta 17% sig yfir bragðinu.

Í Suður-Asíu, Suður-Ameríku og Mið-Austurlöndum, þar sem kryddjurtin er býsna algeng, á þetta einungis við um þrjú til sjö prósent íbúanna.

(Visited 4.099 times, 1 visits today)

Pin It on Pinterest

Share This

Fá þér
áskrift?

Við erum með fullt blað af spennandi greinum einsog þeim sem þú ert búin/n að vera að lesa og meira til.