Hvers vegna þarf eldra fólk minni svefn?

Engu er líkara en að fólk vakni sífellt fyrr með hækkandi aldri. En sefur eldra fólk virkilega skemur en aðrir?

Maðurinn – Öldrun

Lestími: 1 mínúta

 

Margar ástæður kunna að vera fyrir því að eldra fólk sefur minna en þeir sem yngri eru. Ýmislegt virðist benda til þess að hormónamagn líkamans skipti þar meginmáli, en framleiðsla líkamans á vaxtarhormónum, svo og melatóníni, minnkar með aldrinum.

 

Melatónín ýtir undir svefn með því að hafa áhrif á frumur í líkamanum og heilanum og í sumum tilvikum dalar melatónínframleiðsla fullorðins fólks í svo miklum mæli að dægursveiflan verður fyrir truflunum og svefnleysi verður vart. Svefn kvenna breytist oft eftir tíðahvörf þegar miklar hormónabreytingar verða í líkamanum.

 

Þess ber þó að geta að ýmsir aðrir þættir hafa áhrif á svefninn. Sem dæmi má nefna lyfjanotkun, sjúkdóma, þvaglát að nóttu til, svo og minni almenna líkamshreyfingu, en allt þetta hefur áhrif á gæði nætursvefnsins og lengd hans.

 

Andstætt við það sem margir halda þá minnkar svefnþörfin alls ekki með árunum. Ef nætursvefninn líður verulega fyrir vinnur margt eldra fólk svefnþörfina upp með því að fá sér blund um miðjan daginn.

 

 

 

Birt: 23.09.2021

 

 

 

Lestu einnig:

(Visited 1.711 times, 1 visits today)

Tengdar Greinar

FULLUR AÐGANGUR AÐ VEFNUM Í 14 DAGA FYRIR 0 KRÓNUR

PRÓFAÐU 14 DAGA FYRIR 0 KRÓNUR