Gamlar kvefpestir kunna að vernda okkur gegn Covid-19

Allar fyrrum kvefpestir hafa hugsanlega ekki verið alveg tilgangslausar því ef marka má rannsóknir kunna þær að hafa undirbúið ónæmiskerfið undir það að ráðast til atlögu við nýju kórónuveiruna.

Bandarískir vísindamenn hafa rannsakað blóðsýni frá árunum 2015-2018, þ.e. frá því áður en nýja kórónuveiran fór að láta á sér kræla. Í blóðsýnum þessum fundust svonefndar T-frumur sem bera kennsl á nýju kórónuveiruna án þess að hafa nokkru sinni komist í tæri við hana.

T-frumur eru mikilvægur hluti af ónæmiskerfinu, þar sem þær finna nýjar sýkingar og ráða niðurlögum þeirra. Sumar T-frumur muna hvað þær hafa ráðist á áður og viðhalda þessari getu sinni svo árum skiptir og á meðan erum við ónæm.

Margar hefðbundnar kvefpestir tilheyra tegund kórónuveira og tilraunir vísindamanna hafa leitt í ljós að T-frumur sem kannast við kvef eru í sumum tilvikum einnig í stakk búnar til að bera kennsl á nýju kórónuveiruna og líkamar þeirra sem þetta á við um geta því byrjað að vinna á veirunni fyrr en ella.

Fyrri rannsóknir hafa gefið til kynna að 20-50% fólks kunni að hafa yfir að ráða T-frumum sem geta ráðist á nýju kórónuveiruna án þess að hafa nokkru sinni komist í tæri við hana áður.

(Visited 6.035 times, 1 visits today)

Pin It on Pinterest

Share This

Fá þér
áskrift?

Við erum með fullt blað af spennandi greinum einsog þeim sem þú ert búin/n að vera að lesa og meira til.