Hvernig myndast krabbamein?

Allt byrjar þetta með einni frumu sem skiptir sér skyndilega á óeðlilegan hátt og hættir þar með að hlusta á eðlileg vaxtarboð líkamans.

Lestími: 2 mínútur

Krabbamein myndast iðulega á 20-40 árum, þar sem fruma stökkbreytist smám saman og öðlast ýmsa skaðlega eiginleika.

10-15 stökkbreytingar geta nægt til að mynda krabbameinsfrumu ef breytingarnar verða í sjálfsstyrkjandi röð.

Stökkbreyttu frumurnar mynda að lokum æxli sem eyðileggur og bælir heilbrigðan, frískan vefinn.

Tímalína: Þannig myndast krabbamein

1

Fruma skiptir sér

Fruman getur skyndilega byrjað að skipta sér óeðlilega hratt og hætt að hlýða hefðbundnum vaxtarboðum.

2

Fruman verður stjórnlaus

Fruman getur ekki gert við nýja galla (stökkbreytingar) í erfðavísunum sem eykur hættuna á myndun skaðlegra stökkbreytinga.

3

Fruman verður ódauðleg

Stökkbreytingin gerir frumuna ódauðlega, svo líkaminn verður ófær um að deyða hana. Stökkbreyttu frumurnar mynda nú æxli.

4

Æðar myndast

Æxlið leiðir af sér nýjar æðar til að tryggt sé að nægilegt súrefni sé fyrir krabbameinsvefinn svo hann geti stækkað frekar.

5

Innrás í líkamann

Krabbameinsfrumur úr æxlinu fara um líkamann með blóðrásinni, þar sem þær ráðast á ný líffæri og orsaka meinvörp.

Árið 2018 létust 9,6 milljónir manna úr krabbameini á heimsvísu.

Krabbamein var dánarorsök í einu af hverjum sex dánartilfellum þetta tiltekna ár, samkvæmt upplýsingum frá WHO.

Algengustu krabbameinin í körlum eru krabbamein í blöðruhálskirtli, ristilkrabbamein og magakrabbi, á meðan konur veikjast fremur af brjóstakrabba, ristilkrabba, lungnakrabba, leghálskrabbameini eða krabbameini í skjaldkirtli.

(Visited 3.337 times, 1 visits today)

Pin It on Pinterest

Share This

Fá þér
áskrift?

Við erum með fullt blað af spennandi greinum einsog þeim sem þú ert búin/n að vera að lesa og meira til.