Plágan fór á flug eftir 300 ár

Umfangsmiklar rannsóknir frá Englandi sýna að plágan náði að dreifast mun meira í Lundúnum eftir miðaldir.

Hópur vísindamanna frá McMaster University í Kanada ályktaði í rannsókn sinni að plágan í ensku höfuðborginni London hafi breiðst út um fjórum sinnum hraðar á 17. öld en á 14. öld, þegar plágan kom fyrst til Englands.

 

Þetta teymi vísindamanna sem samanstóð af tölfræðingum, líffræðingum og erfðafræðingum rannsakaði þrjár gerðir skriflegra heimilda:

 

Persónulegar erfðaskrár, kirkjubækur og opinberar dánartölur sem yfirvöld í Lundúnum skráðu niður.

Eitt einkenni Svarta dauða voru stór kýli.

Plágan drap milljónir manna

Meira en þriðjungur íbúa í Evrópu dó í pestinni þegar sjúkdómurinn geisaði í Evrópu í fyrsta sinn á miðri 14. öld.

Sjúkdómurinn sprettur upp

Svartidauði – sem flær dreifðu meðal manna – barst til margra ítalskra hafnarbæja með verslunarskipum árið 1347.

Pestin dreifist út

Sjúkdómurinn dreifðist á næstu árum til flestra svæða í Evrópu.

Pestin kemur til Norðurlanda

Í Skandinavíu geisaði pestin hvað harðast árið 1349 – 1350.

Erfðaskrár sýna hraðari smitdreifingu

Opinberar dánartölur voru ekki skráðar í stórborginni fyrir 1538. Til að komast að því hve hratt sjúkdómurinn dreifðist á 14. öld báru sérfræðingarnir saman skráð andlát við fjölda ritaðra erfðaskráa meðan á pestinni stóð á 17. öld.

 

Tölurnar úr hvoru tveggja fylgdust að og vísindamenn litu því næst á aukningu í erfðaskrám frá 14. öld og niðurstaðan var greinileg: Á 14. öld í London tvöfaldaðist fjöldi smitaðra á 43 dögum, meðan tvöföldun smita á 17. öld var einungis 11 dagar.

 

Vísindamennirnir telja að meira þéttbýli í Lundúnum, verri lífsskilyrði og kaldara loftslag hafi skipt verulegu máli í þessari hröðu dreifingu smita.

 

Svartidauði barst tvisvar sinnum til Íslands á 15. öld, árin 1402 og 1495. Þetta var angi pestarinnar í Evrópu. Afleiðingar reyndust hræðilegar og talið er að um helmingur þjóðarinnar hafi látið lífið í farsóttunum.

(Visited 2.839 times, 1 visits today)

Pin It on Pinterest

Share This

Fá þér
áskrift?

Við erum með fullt blað af spennandi greinum einsog þeim sem þú ert búin/n að vera að lesa og meira til.