Visit Sponsor

Skrifað af Eldri siðmenningar og fornleifafræði Menning og saga

Áhugamaður finnur risasjóð

5 kg af gulli og 1,3 kg af silfri. Þetta er magn eðalmálma í fornum fjársjóði sem nýlega fannst í héraðinu Staffordshire á Englandi. Þetta er einn stærsti fjársjóður sem fundist hefur á Bretlandseyjum. Hér eru m.a. gullgripir með áletrunum og inngreyptum eðalsteinum, trúlega frá 7. eða 8. öld. Gripirnir eru alls fleiri en 1.500 og flestir tilheyra vopnum eða öðrum stríðsbúnaði.

Það var áhugamaður um fornleifar, Terry Herbert að nafni, sem uppgötvaði fjársjóðinn þegar hann fór með málmleitartæki yfir akur vinar síns. Fornleifafræðingar frá Minja- og listasafninu í Birmingham tóku nú við og trúðu vart sínum eigin augum. Það var þó ekki aðeins vegna magnsins, heldur eru margir gripirnir svo íburðarmiklir og verðmætir að vísindamennirnir telja að þeir hljóti að hafa verið í eigu allra æðstu ráðamanna í hinu engilsaxneska konungsríki Merciu. Þetta gildir t.d. um 84 hnappa og 71 festingu sem skreytt hafa sverð, auk granats, sem telst til hálfeðalsteina. Slík vopn hafa einungis verið í eigu hinna allra hæst settu í hernaðarsamfélagi þess tíma.

Einn gullgripanna ber latneska Biblíuáletrun sem þýða má þannig: „Rís upp, ó Herra. Megi óvinir þínir tvístrast og þeir sem þig hata, hverfa úr augsýn þinni.“

Subtitle:
1.300 ára fjársjóður er sá stærsti á Bretlandseyjum
Old ID:
994
811
(Visited 2 times, 1 visits today)
Síðast breytt: september 17, 2019