Hversu gömul er babúskan?

Þessar hugvitssamlegu brúður njóta vinsælda sem minjagripir og flestir tengja þær beint við Rússland, þó svo að hugmyndin að þeim eigi rætur að rekja miklu austar.

Babúskur, eins og flestir þekkja þær, litu fyrst dagsins ljós árið 1890.

 

Listamenn sem þátt tóku í listamannabúðum fyrir utan Moskvu, teiknuðu og skáru út fyrstu trébrúðurnar í Rússlandi og er álitið að þeir hafi fengið hugmyndina eftir að hafa séð hefðbundnar japanskar trébrúður sem táknuðu guði úr japanskri goðafræði.

 

Upprunalegu babúskurnar voru átta holar trébrúður sem gátu rúmast hver innan í annarri.

 

Tíu árum síðar, þ.e. árið 1900, voru brúðurnar hafðar til sýnis á heimssýningunni í París þar sem þær vöktu mikla athygli meðal gestanna.

Hver babúska samanstendur af litlum trébrúðum sem eru þannig úr garði gerðar að hver dúkka rúmast innan í þeirri næstu.

 

Babúskurnar tryggðu Rússlandi bronsverðlaun í leikfangaflokki og þetta afrek varð til þess að salan jókst gífurlega.

 

Brúðugerðarverkstæði spruttu upp um allt Rússland og handverksmenn skáru dúkkur út nánast allan sólarhringinn til þess að anna eftirspurninni.

 

Í nokkrum öðrum löndum, m.a. í Þýskalandi, var farið að framleiða ólöglegar babúskur með gróðasjónarmið fyrir augum.

 

Brúðurnar njóta mikilla vinsælda enn þann dag í dag og ferðamenn í Rússlandi kaupa þær gjarnan sem minjagripi til að hafa með sér heim.

 

Samkvæmt fjölmörgum rússum er þetta rangnefni á dúkkunum. Víða eru þær kallaðar babúska en eru í raun matryoshka.

 

Babúska þýðir amma á rússnesku og Rússar hrista bara hausinn eða hlægja ef þeir heyra dúkkurnar kallaðar babúskur. Í kjölfarið leiðrétta þeir yfirleitt fólk.

(Visited 1.025 times, 1 visits today)

Pin It on Pinterest

Share This

Fá þér
áskrift?

Við erum með fullt blað af spennandi greinum einsog þeim sem þú ert búin/n að vera að lesa og meira til.