5 þáttaraðir sem við mælum með

Sumarið er að baki og haustið komið með sínu roki og rigningu. Hvað er þá betra en að koma sér vel fyrir í sófanum með popp og kók og leyfa sér að halda inn í undraheima eða æsilegar sögur sem má auðveldlega nálgast í hinum ýmsu streymisveitum. Lifandi vísindi hafa valið 5 seríur sem ættu að höfða til bæði geimnörda og tæknilega sinnaðra áhorfenda.

Disney streymisveitan varð aðgengileg Íslendingum um miðjan september og með henni fáum við m.a. fyrstu Star Wars seríuna The Mandolorian.

 

Án þess að vilja greina frá of miklu, þá er þetta tiltölulega einföld saga sem sver sig í ætt við fyrstu Star Wars myndina. Eins og svo oft áður þá er raunsæið ekkert sérstaklega í fyrirrúmi en það er örugglega hægt að dást að tækninni í þáttaröðinni.

 

Í þessari þáttaröð hafa menn nýtt sér nýjustu tækni og hannað sýndarbakgrunn í háþróuðum tölvuforritum sem er kastað upp á bak við leikarana – leikararnir sjá þannig það sama og við gerum en þurfa ekki að leika listir sínar fyrir framan grænan bakgrunn sem er fylltur upp í með tölvubrellum – stundum mörgum mánuðum síðar.

Fyrir okkur sem höfum lesið bækurnar er vitað að það eru stórbrotnir hlutir í vændum í þessu mikla geimdrama sem byggir mikið á vísindalegum grunni.

 

Það eina sem á sér enga vísindalega stoð er tæknikunnátta sem háþróaðar geimverur hafa skilið eftir í firndinni – meðal annars geimhlið við Úranus sem veitir aðgang til fjarlægra pláneta – og verður hverfipunkturinn í komandi átökum.

The Stand er ein vinsælasta bók Stephen Kings og kannski hefur hún aldrei átt eins vel við og einmitt núna. Í upphafi bókarinnar geisar banvæn farsótt sem fær uppnefnið Captain Trips en hún útrýmir 99% af íbúum jarðar.

 

The Stand er epísk vegamynd þvert yfir eyðileg Bandaríkin sem endar í uppgjöri milli hins góða og hins illa. Bókin hefur verið kvikmynduð áður en í þetta sinn lofa framleiðendur að nýta formið sem sjónvarpsþáttaröð veitir til hins ítrasta en fyrri myndir þóttu skera frásögnina full harkalega niður.

 

Þáttaröð þessi er sýnd á CBS All Access en seríur frá þeim hafa ratað í Netflix. Hvort sú verði raunin hérna, vitum við þó ekki ennþá.

Önnur sería af þessari dáðu ofurhetjusögu er komin á Netflix. Umbrella Academy er skóli fyrir ungar manneskjur með sérstaka hæfileika sem allar komu í heiminn sama dag og allar hafa þær mismunandi ofurkrafta.

 

Fyrstu seríu lauk með stórbrotnum endalokum jarðar og veitti smávægilega innsýn í uppruna aðalpersónanna. Sería 2 er hlaðin tímaferðalögum, staðreyndum sem stangast á við söguna og mögulega fleiri vísbendingum um tengingar við framandi heima.

 

Búið var að kvikmynda alla seríuna þega kórónufaraldurinn skall á og kom í veg fyrir endanlegan frágang. Kynningarmyndbandið ber nokkurn keim af því.

Stofnunin (eða Foundation) eftir Isaac Asimov er ein helsta sagan innan vísindaskáldsagnahefðarinnar og er nú loksins komin í sjónvarpið.

 

Bókaflokkurinn sem Asimov skrifaði frá 1942 til 1993, endaði í heilum sjö bókum sem tengjast einnig öðrum verkum meistarans.

 

Sagan fjallar um stærðfræðinginn Hari Sheldon sem beitir stærðfræði og kenningu sem hann nefnir „psychohistory“ en þannig getur hann sagt fyrir um endalok Keisaraveldis Vetrarbrautarinnar. Hann kemur því á laggirnar Stofnuninni (Foundation) til að koma í veg fyrir endalok siðmenningar.

 

Bækurnar spanna mörg þúsund ár og það verður enginn hægðarleikur að koma öllu því til skila. Handritshöfundurinn David S. Goyer hefur verið ansi mistækur en kynningin lofar vissulega góðu.

(Visited 2.349 times, 1 visits today)

Pin It on Pinterest

Share This

Fá þér
áskrift?

Við erum með fullt blað af spennandi greinum einsog þeim sem þú ert búin/n að vera að lesa og meira til.