Hversu mikið hefur Andrés önd fengið að láni úr mannkynssögunni?

Teiknarinn Don Rosa lét sér ekki nægja að láta Disney-persónur sínar koma fram í skálduðum heimi – heldur skyldu þær draga dám af hinum raunverulega heimi, eins og honum er lýst í sögubókunum.

Menning

Lestími: 2 mínútur

 

Flestar vinsælu sögurnar um Andrés önd eiga sér stað í tilbúnum Disney-heimi en stundum fengu teiknararnir sitt lítið af hverju að láni úr mannkynssögunni. Þekktasti Disney-teiknarinn, Carl Barks, studdist aðallega við óbeinar tilvitnanir í mannkynssöguna.

 

Sem dæmi má nefna ferðalag Andrésar í teiknisögunni „Lost in the Andes“ frá árinu 1949 en þar týnist Andrés í leiðangri um Andesfjöllin og kemur að lokum í dal sem minnir óneitanlega mjög mikið á Inkaborgina Machu Picchu. Í teiknisögunni „Tralla La“ frá árinu 1954 ræðst Jóakim frændi á paradísarlandið Tralla La með flöskutöppum og skemmir þannig unaðsreit heimamanna og segja sérfróðir sagnfræðingar atburðinn vera gagnrýni á þátttöku Bandaríkjamanna í Kóreustríðinu.

 

Disney-teiknarinn Don Rosa er aðallega þekktur fyrir umfangsmikið verk sitt um líf Jóakims frænda.

 

Don Rosa tileinkaði sér söguna

Þar sem Barks notfærði sér mannkynssöguna óbeint var teiknarinn Don Rosa ekki eins hógvær. Í bókinni „Hér er líf þitt, Jóakim“ er Jóakim þátttakandi í mörgum sögulegum atburðum, m.a. gullæðinu í Kaliforníu (1848-1855), gerð Panamaskurðarins (1904-1913) og rússnesku byltingunni (1917).

 

Meðan á ævintýrunum stendur rekst Jóakim á ýmsar þekktar persónur á borð við landkönnuðinn Róbert Peary, vísundaveiðimanninn Vísunda-Villa og indíánahöfðingjann Gerónimó. Í sögunni „The Sharpie of the Culebra Cut“ leikur Theodor Roosevelt (Bandaríkjaforseti) stórt hlutverk og stelur m.a. gröfu ásamt Jóakim frænda.

 

 

Birt 28.08.2021

 

 

 Emrah Sütcü

 

 

(Visited 929 times, 1 visits today)

Tengdar Greinar

No Content Available

FULLUR AÐGANGUR AÐ VEFNUM Í 14 DAGA FYRIR 0 KRÓNUR

PRÓFAÐU 14 DAGA FYRIR 0 KRÓNUR