Skrifað af Dýr og plöntur Líffræði Náttúran

Af hverju verpa hænur svona mörgum eggjum?

Flestir hænsnfuglar verpa mörgum eggjum á varptímanum. Sumar tegundir kornhænsna verpa allt að 30 eggjum í hreiðrið. Aðrar tegundir láta sér nægja færri egg en verpa oftar á ári. Rannsóknir á eggjastokkum tamdra hæna sýna að þær geta verpt mörg þúsund eggjum á ævinni. Það er þó sjaldgæft, þar eð hænur eru yfirleitt ekki látnar lifa svo lengi.

Rétt eins og aðrir fuglar bregðast hænsfuglar við eggjaþjófnaði með því að verpa nýjum eggjum í staðinn. Það er þetta sem maðurinn hefur nýtt sér. Ef egg eru sífellt tekin úr hreiðri hænunnar, heldur hún áfram að verpa. Með þessu móti fást tamdar hænur til að verpa meira en 200 eggjum á ári.

Eggjaframleiðslu má auka enn frekar með lýsingu. Hænur verpa mest á vorin þegar von er á mestri fæðu fyrir ungana. Sé líkt eftir vorinu með lýsingu fást því fleiri egg. Búrhænur eru knúðar til hins ýtrasta í þessu efni og sumar þeirra verpa meira en 300 eggjum á ári.

Subtitle:
Old ID:
1244
1062
(Visited 15 times, 1 visits today)
Síðast breytt: september 17, 2019

Pin It on Pinterest

Share This

Fá þér
áskrift?

Við erum með fullt blað af spennandi greinum einsog þeim sem þú ert búin/n að vera að lesa og meira til.