Antímon: Frá hægðarlyfi í iPads

Antímon er frumefni númer 51 í lotukerfinu. Antímon hefur sérstaka eiginleika og er baneitrað en var á miðöldum m.a. notað sem hægðarlyf.

LESTÍMI: 2 MÍNÚTUR

Nafn: Antímon – úr grísku: „antimonus“ (ekki aleitt)
Sætistala: 51 Efnatákn: Sb (úr latínu: Stibium)

 

Antímon er hálfmálmur sem finnst í tveimur ólíkum gerðum: Annars vegar sem hart sjálflýsandi málmkennt efni eða sem grátt púður.

 

Antímon hefur marga óvenjulega eiginleika, m.a. þenst það út þegar það kólnar.

 

Lesið meira um lotukerfið

 

Í hvað er antímon notað?

Efnið hefur verið lengi þekkt og þrátt fyrir að vera eitrað hefur það verið notað sem lyf.

 

Á síðmiðöldum var algengt að búa til hægðarlyf úr antímon. Vegna eitrunar þeirra komu pillurnar meltingarveginum á hreyfingu, meðan þær fóru óskaddaðar í gegnum manneskjuna.

 

Eftir notkun voru pillurnar þvegnar og geymdar til síðari notkunar. Sumar antímon-pillur gengu jafnvel í arf.

 

Núna er antímon afar verðmætur málmur. Hann er unninn í námum og nýtist með margvíslegum hætti í iðnaði, ekki síst í rafeindaiðnaði þar sem hann er notaður í t.d. snjallsímum og spjaldtölvum.

 

Antímon er einnig notað við framleiðslu á plasti og í málmblöndum með kvikasilfri og blýi er það m.a. notað til að framleiða skotfæri.

 

Myndband: Svona lítur antímon-hleifur út

 

Birt: 03.12.2021

 

 

LARS THOMAS OG ANDERS BRUUN

 

Lestu einnig:

(Visited 441 times, 1 visits today)

Tengdar Greinar

FULLUR AÐGANGUR AÐ VEFNUM Í 14 DAGA FYRIR 0 KRÓNUR

PRÓFAÐU 14 DAGA FYRIR 0 KRÓNUR