Skrifað af Dýr og plöntur Líffræði Náttúran

Geta köngulær starfað saman?

Af næstum 40.000 þekktum tegundum köngulóa eru ríflega 20 tegundir þar sem karl- og kvendýr lifa saman í stórum hópum, jafnvel þúsundum saman.

Sumar afrískar og asískar tegundir af ættinni Stegodyphus eru þeirrar gerðar að dýrin geta lifað saman og gera í sameiningu stóran, þrívíðan vef og sjá sameiginlega um viðhald hans. Slíkur vefur getur umlukið heilt tré. Þessar köngulær sjá sameiginlega um uppeldi unganna og skipta fæðunni sem kemur í vefinn. Og nýlega fannst áður óþekkt tegund félagslyndra köngulóa, Theridion nigroannulatum, í Ekvador í Suður-Ameríku. Samfélag þessarar tegundar minnir á önnur mjög félagslynd skordýr, svo sem býflugur og maura. Kvendýrin skiptast í tvo stærðarflokka, sem trúlega stafar af því að hér er til komin stéttaskipting og verkaskipting líkt og hjá býflugum. Loks má svo nefna að til eru köngulær sem vinna saman yfir tegundamörkin þar sem smærri köngulærnar lifa á bráð sem festist í vef stærri tegundarinnar.

Þetta gildir t.d. um Argyrodes sem lifir í vef miklu stærri tegundar, sem nefnist Nephila. Litlu köngulærnar fá að éta allra smæstu skordýrin en á móti kemur sá greiði sem þær gera stóru köngulónum með því að hreinsa úr vefnum allt sem er svo lítið að það tekur því ekki fyrir stærri tegundina að leggja sér bráðina til munns.

Subtitle:
Maður sér aldrei nema eina könguló í hverjum vef. Eru til köngulær sem ekki eru árásargjarnir einfarar?
Old ID:
457
295
(Visited 8 times, 1 visits today)
Síðast breytt: nóvember 21, 2019

Pin It on Pinterest

Share This

Fá þér
áskrift?

Við erum með fullt blað af spennandi greinum einsog þeim sem þú ert búin/n að vera að lesa og meira til.