Visit Sponsor

Skrifað af Dýr og plöntur Líffræði Náttúran

Kafbátur uppgötvar loðhumar

Líffræði

Bandarískir sjávarlíffræðingar hafa nú með dvergkafbátnum Alvin uppgötvað áður óþekkta, ljósa humartegund með löng, ljós hár á klónum. Þessi sérkennilega lífvera fannst á 2.300 metra dýpi um 1.500 km suður af Páskaeyju. Humarinn hélt sig hér í grennd við hitauppsprettu á hafsbotni, svonefndan svartstrók.

Enn er ekki vitað til hvers dýrið notar hárin, en vísindamennirnir geta sér þess til að þau sigti fæðu úr sjónum. Þeir telja einnig hugsanlegt að bakteríur sem eigi sér samastað í hárunum hjálpi humrinum við að losa sig við eitruð steinefni úr sjónum í kring og þannig gert honum kleift að halda lífi í þessu umhverfi. Í sjónum kringum svartstrókinn er reyndar svo mikill brennisteinn að humarinn væri líkast til eins og fúlegg á bragðið.

Subtitle:
Old ID:
357
215
(Visited 3 times, 1 visits today)
Síðast breytt: nóvember 21, 2019