Líffræði Nýuppgötvuð tegund fiðrilda, Heliconus heurippa í Mið-Ameríku, má með sanni kallast líffræðilegt undur. Tegundin reynist sem sé vera blendingur tveggja annarra fiðrildategunda á svæðinu. Þetta er afar sjaldgæft fyrirbrigði í þróunarsögunni, enda eru blendingar tveggja aðskilinna tegunda yfirleitt ófrjó, eins og t.d. múldýr sem eru afkvæmi hests og asna.
Nýjar tegundir myndast yfirleitt þannig að ein tegund þróast í tvær undirtegundir sem einangrast hvor frá annarri. Líffræðingar hjá Smithsonian-hitabeltisrannsóknastofnuninni í Panama hafa sjálfir gert tilraunir með kynblöndun tegundanna tveggja og geta nú staðfest að blendingurinn er ný og sjálfstæð tegund sem aðeins fjölgar sér með öðrum einstaklingum af eigin tegund.