Visit Sponsor

Skrifað af Dýr og plöntur Líffræði Náttúran

Ranafiskar gefa rafmagnsstuð

Í Kongófljóti eru ýmsar tegundir af ætt ranafiska og eiga fyrir bragðið á hættu að para sig þvert á tegundir.

En á þessum vanda hafa fiskarnir fundið sér lausn. Til að hrygnan geti valið sér maka af réttri tegund myndar hængurinn vægt rafstuð í sporðinum. Hver tegund hefur sitt eigið afbrigði sem laðar að hrygnur af sömu tegund.

Breski atferlislíffræðingurinn Philline Feulner við Sheffield-háskóla uppgötvaði þetta þegar hún setti hrognafullar hrygnur og hænga af ýmsum tegundum saman í vatnsker. Síðar endurtók hún tilraunina en í stað hænganna notaði hún nú rafsvið sem hvert um sig samsvaraði ákveðinni tegund. Hrygnurnar syntu þá rakleitt að því rafsviði sem samsvaraði réttri tegund.

Það hefur líka komið í ljós að ranafiskarnir nýta einnig rafmagnshæfileikana til að finna sér fæðu í þessu grugguga fljóti.

Subtitle:
Old ID:
769
587
(Visited 4 times, 1 visits today)
Síðast breytt: september 17, 2019