Stærsta farþegaþota heims flýgur þrjá tíma á matarolíu

Það er risastórt skref stigið í grænum flutningum þegar stærsta farþegaþota heims getur flogið á 100% sjálfbærri orku.

BIRT: 15/04/2022

LESTÍMI:

< 1 mínútur
Share on facebook

Í fyrsta sinn í sögunni hefur Airbus 380-þota farið í þriggja tíma langt flug með alveg sjálfbæra matarolíu sem aðaleldsneyti.

 

Þessi heimsins stærsta farþegaþota rúmar 545 farþega á þremur farrýmum og tilraunaútgáfa þessarar tveggja hæða vélar fór þessa ferð frá heimahöfn Airbus í Toulouse í Frakklandi og inn til öruggrar lendingar í Nice.

 

Fjórum dögum síðar var afrekið endurtekið og Rolls Royce Trent 900-hreyflarnir fóðraðir á alls 27 tonnum af sjálfbærri blöndu endurnýttrar matarolíu og öðru eldsneyti unnu úr ræktarplöntum og eldsneyti sem ekki telst til jarðefnaeldsneytis.

 

Síðasta árið hefur Airbus sent á loft þrjár gerðir tilraunavéla knúnar sjálfbæru eldsneyti og allar hafa þær lent heilu og höldnu. Auk A380-vélarinnar voru þetta A319Neo og A350-vélar og í öllum tilvikum var notað svipað eldsneyti.

 

Minnkar koltvísýringslosun um 80%

Flugfélög á borð við Air France, Lufthansa og Singapore Airlines nota hinar 280 tonna Airbus 380-vélar á flugleiðum sínum og því aukast nú til muna líkurnar á grænni framtíð í farþegaflugi.

 

Airbus 380 hefur flugþol upp á nærri 15.000 km og því getur sjálfbært eldsneyti átt þátt í að draga úr koltvísýringslosun í eyðslufreku flugi yfir hálfan hnöttinn um allt að 80%.

Tilraunavél Airbus, A380, flug MSN1, tekur á loft í Toulouse í Frakkalandi 25. mars kl. 08.43.

Auk þess að vera vistvænni kostur ættu forsvarsmenn flugfélaga að kætast yfir því að græna eldsneytið er allt að 3% öflugra. Þegar eyðslan er 14 lítrar á hvern kílómetra safnast svo litlar tölur saman í eina miklu stærri.

 

Sá galli er þó á þessu að vistvæna eldsneytisblandan er ennþá hátt í fimmfalt dýrari en hefðbundið eldsneyti, enda er framleiðslan tiltölulega ný af nálinni og magnið lítið enn sem komið er.

 

Flugmiðarnir verða þess vegna talsvert dýrari fyrstu árin, nema stjórnvöld styðji fjárhagslega við þessa grænu byltingu en það hefur verið gert áður, t.d. í vindorkuiðnaði.

 

Engin koltvísýringslosun 2050

Alþjóðasamtök flugfélaga, IATA, hafa lýst yfir því markmiði að flug verði kolefnishlutlaust árið 2050.

 

Því markmiði á að ná með því að nota nýjar eldsneytisblöndur, svipað því sem Airbus er nú að gera.

 

Eftirspurn eftir þessari nýju eldsneytisblöndu var aðeins 100 milljón lítrar árið 2021 en flugfloti heimsins notar árlega 200 milljarða lítra.

 

Vistvænt eldsneyti er sem sagt einungis um 0,05% af öllu flugeldsneyti en þess er vænst að þetta hlutfall muni hækka verulega á komandi árum, þegar flughreyflar verða í auknum mæli gerðir þannig að þeir geti brennt blönduðu eldsneyti til að draga úr kolefnislosun.

BIRT: 15/04/2022

HÖFUNDUR: MADS ELKÆR

HÖFUNDARÉTTUR MYNDA: © Airbus S.A.S. / A. Doumenjou / Master Films

vinsælustu greinarnar

Lifandi vísindi

Lyf

Lifandi saga

Ertu áskrifandi að tímaritinu?

Áskrifendur að tímaritinu geta fengið frían aðgang að vefnum hér.

Innskráning

Ertu með áskrifandi að blaðinu?

Áskrifendur geta fengið áskrift af vefnum hér

FÁÐU AÐGANG AÐ VÍSINDI.IS

Viltu lesa greinina?

Fáðu aðgang að visindi.is

Ókeypis í 2 vikur!

Eftir það kostar eingöngu 1.390 kr. á mánuði og enginn uppsagnarfrestur.

Innifalið er aðgangur að öllum greinum á vefnum ásamt rafræna útgáfu af nýjustu tölublöðunum.

  • Fullur aðgangur að visindi.is
  • Frábærar myndir og myndbönd
  • Aðgengilegt í öllum snjalltækjum
  • Fullur aðgangur að gríðarlegu magni eldri greina
  • Nýjustu tölublöðin í rafrænu formi

Núverandi áskrifendur að tímaritinu fá að sjálfsögðu ókeypis aðgang að vefnum og þurfa bara að virkja aðgang sinn hér.

Ef þú ert þegar áskrifandi að visindi.is