Skrifað af Orka og faratæki Tækni Uppfinningar

50 metra há bauja rannsakar lífið í sjónum

50 metra há rannsóknastofa, í lögun eins og bauja, verður látin reka og rannsaka um leið heimshöfin án afláts allan sólarhringinn. Þetta er hugarfóstur franska flotaarkitektsins Jacques Rougerie og farartækið kallar hann SeaOrbiter.

Af alls 50 metra hæð verða 30 metrar alltaf neðansjávar og þannig skapast miklir möguleikar til rannsókna á dýralífinu í sjónum. Auk fjölda útsýnisglugga eru þrýstijöfnunarklefar þannig að vísindamenn geta farið í kafarabúning og synt út og sömu leið má senda fjarstýrða dvergkafbáta niður á mikið dýpi. Um borð eru vélar þannig að hægt er að hafa stjórn á farkostinum, en ekki er gert ráð fyrir að vélarnar séu notaðar nema í neyð, enda geta þær truflað dýralíf sem menn vilja komast sem allra næst.

Hönnunin var prófuð í bylgjutanki á síðasta ári og þá notað 3,5 metra líkan af SeaOrbiter. Eftir að nokkrar lagfæringar höfðu verið gerðar á kilinum, sýndu prófanirnar að farartækið þyldi allt að 15 metra ölduhæð. Jacques Rougerie gerir sér nú vonir um að þessi fljótandi rannsóknastofa verði tilbúin á næsta ári, en þar á að verða rými fyrir 18 vísindamenn.

Subtitle:
Arkitekt hannar snjalla lausn á vandamáli
Old ID:
1034
851
(Visited 15 times, 1 visits today)
Síðast breytt: september 17, 2019

Pin It on Pinterest

Share This

Fá þér
áskrift?

Við erum með fullt blað af spennandi greinum einsog þeim sem þú ert búin/n að vera að lesa og meira til.