Skrifað af Stríðsrekstur og vopn Tækni

Dúfur stýrðu sprengjum með því að gogga í skjá

Ein af merkilegustu hernaðarhugmyndum sögunnar fólst í því að láta dúfur stýra skotflaugum. Bandaríski sálfræðingurinn B.F. Skinner hafði fulla trú á dúfunum sínum og 1942 úthugsaði hann aðferð sem bandaríski herinn veitti 25.000 dollara til að þróa. Í hverri flaug áttu þrjár dúfur að vera spenntar fastar og fyrir framan þær þrír skjáir með myndum af skotmarkinu.

Dúfurnar voru sérþjálfaðar til að þekkja skotmarkið og meðan þær gogguðu á skjáinn miðjan hélt skotflaugin stefnu sinni. Með því að gogga til hægri eða vinstri við miðjuna gátu dúfurnar breytt stefnu flaugarinnar, en hún átti þó því aðeins að breyta um stefnu að tvær dúfur væru sammála.

Á endanum þótti mönnum hugmyndin þó ekki nógu raunhæf og hún var blásin af 1944. En þótt ótrúlegt væri, tók sjóherinn hana upp á arma sína 1948. Árangur náðist þó ekki og 1953 neyddist Skinner til að fara með dúfurnar sínar heim í garðhúsið.

Subtitle:
Old ID:
802
620
(Visited 11 times, 1 visits today)
Síðast breytt: nóvember 21, 2019

Pin It on Pinterest

Share This

Fá þér
áskrift?

Við erum með fullt blað af spennandi greinum einsog þeim sem þú ert búin/n að vera að lesa og meira til.