Geislavirkur úrgangur verður að grænu bensíni

Með því að geisla úrgangsefni við framleiðslu á lífdíseli geta bresk kjarnorkuver framleitt 10 milljón lítra af grænu eldsneyti á ári hverju.

LESTÍMI: 2 MÍNÚTUR

 

Kjarnorkuver losa nær ekkert CO2 en skilja hins vegar eftir geislavirkan úrgang. Nú hafa vísindamenn við breska Lancaster University og Jožef Stefan stofnunina í Slóveníu fundið upp aðferð við að nýta úrganginn í framleiðslu á umhverfisvænu íblöndunarefni sem getur gert bensínbíla grænni.

 

Aðferð þessi nýtir aukaafurðir við framleiðslu á lífdísel – díselolíu sem er ekki unnin úr hráolíu, heldur úr plöntuolíu. Við framleiðslu lífdísels verður efnið glýserín afgangs.

 

Framleiðsla á lífdísel fer vaxandi, glýserín er ódýrt og með efnaferlum má umbreyta því í isóprópýledenglýserín. Það er einnig nefnt „solketal“ og má bæta í bensín til að hækka oktantölu þess, jafna brunann og draga úr losun sótagna og CO2.

 

Lestu einnig:

 

Því miður er þetta efnaferli flókið og dýrt en vísindamenn hafa sýnt að sorketal má einnig framleiða með því að nýta geislavirkni til að jóna glýserín en geislavirku efnin eru úrgangsefni frá kjarnorkuverum.

 

Þannig má reisa solketal-verksmiðju nærri núverandi kjarnorkuverum og framleiða með ódýrum hætti mikið magn af þessu eftirsótta íblöndunarefni.

 

Úrgangsefni frá breskum kjarnorkuverum einum saman geta árlega veitt um 10.000 tonn af sorketal og komið þannig í stað samsvarandi magns bensíns.

 

 

Birt: 04.01.2022

 

 

EBBE RASCH

 

 

Lestu einnig:

(Visited 1.289 times, 1 visits today)

Tengdar Greinar

No Content Available

FULLUR AÐGANGUR AÐ VEFNUM Í 14 DAGA FYRIR 0 KRÓNUR

PRÓFAÐU 14 DAGA FYRIR 0 KRÓNUR