Nú fá flugleigubílar sinn eigin flugvöll

Í Coventry á Englandi verður í fyrsta sinn unnt að þjóna flugleigubílum framtíðarinnar.

Fólksflutningar

Lestími: 2 mínútur

 

Fjölmörg fyrirtæki eru nú að þróa rafknúin flugtæki sem ætlað er að flytja borgandi farþega hratt á milli staða í stórborgum. Nú fá þessi tæki sína fyrstu flughöfn.

 

Fyrirtækið Urban-Air Port hefur þróað hugmyndina í samstarfi við bílasmiðjurnar Hyundai og fyrsta flughöfnin á að rísa í Coventry á Englandi í nóvember 2021.

 

Myndband: Sjáðu kynningu á flughöfninni

 

 

Hugmyndin flokkast sem „sprettihugmynd“ (pop up concept) og flughöfn má koma upp á örskömmum tíma, jafnvel á nokkrum dögum, segja menn hjá Urban-Air Port.

 

Flughöfnin hefur fengið heitið Air-One og þetta verður um 40 metra breiður pallur sem unnt verður að hækka og lækka. Pallinum verður lyft þegar farþegadrónar eiga að lenda eða taka á loft en svo látinn síga þegar á að leggja dróna í stæði.

 

 

Umhverfis pallinn verður bæði aðstaða til hleðslu og viðhalds, svo og biðskýli fyrir farþega.

 

Hyggjast byggja 200 flughafnir á fimm árum

 

Flughöfnin er sett saman úr fullbúnum einingum og hana má því auðveldlega flytja. Sömuleiðis verður hægt að setja hana upp jafnt á hafnarsvæði sem ofan á háhýsum.

 

Flughöfnin getur þjónað öllum rafdrifnum flugtækjum sem lenda og hefja sig til flugs lóðrétt. Það gildir t.d. um leigudróna Hyundai-fyrirtækisins, S-A1 sem samkvæmt áætlun á að koma á markað 2023.

 

Urban-Air Port áætlar að byggja 200 flughafnir víðs vegar um heiminn á næstu fimm árum.

 

 

06.04.2021

 

 

(Visited 46 times, 1 visits today)

Tengdar Greinar

No Content Available

FULLUR AÐGANGUR AÐ VEFNUM Í 14 DAGA FYRIR 0 KRÓNUR

PRÓFAÐU 14 DAGA FYRIR 0 KRÓNUR