Skrifað af Tæki Tækni Uppfinningar

Vigt sem vegur lifandi frumur

Tækni

Með örsmáum vogstöngum má nú vigta stakar sameindir. Þegar sameindin bindur sig við stöngina, breytist titringur hennar í samræmi við þyngd sameindarinnar. Fram að þessu hafa nanóvogir þó ekki getað vigtað sameindir í vökva þar eð vökvinn hefur truflandi áhrif á stöngina. En þetta vandamál hafa vísindamenn við MIT í Boston nú leyst. Í vog þeirra eru hárfínar rásir sem vökvinn flýtur inn í og þar eð hann er nú innan í voginni en ekki utan á, verður vigtunin hárnákvæm.

Markmiðið með gerð nanóvogarinnar er að þróa ódýran skynjara sem t.d. getur sýnt fram á tilvist ákveðinnar sjúkdómsvaldandi bakteríu eða tiltekinna frumna í blóði. Sem dæmi má nefna CD4-frumur í blóði eyðnisjúklinga, en fjöldi þeirra segir til um ástand ónæmiskerfisins. Nú þegar hafa vísindamennirnir náð að vega staka bakteríu sem reyndist 115 fimmtógrömm, en fimmtógramm er einn milljónasti úr einum milljarðasta af grammi.

Subtitle:
Old ID:
540
384
(Visited 14 times, 1 visits today)
Síðast breytt: nóvember 21, 2019

Pin It on Pinterest

Share This

Fá þér
áskrift?

Við erum með fullt blað af spennandi greinum einsog þeim sem þú ert búin/n að vera að lesa og meira til.