Winston Churchill lifði af fjölmörg banatilræði

Winston Churchill naut almennrar viðurkenningar en varð líka skotmark margra tilræðismanna.

Lestími: 2 mínútur

Winston Churchill átti sér fjölmarga óvini og að minnsta kosti tíu sinnum var reynt að ráða hann af dögum.

Að sögn Walters Thompson, lífvarðar Churchills á árunum 1921-1945 var fyrsta tilraunin gerð árið 1922, þegar þrír menn frá írsku aðskilnaðarsamtökunum IRA sáust vopnaðir skammt frá Rolls-Royce bifreið Churchills. En til þeirra sást þó nógu snemma og engum skotum var hleypt af.

Churchill var afar óvinsæll á Írlandi þar eð hann hafði sem hermálaráðherra beitt hermönnum úr fyrri heimsstyrjöldinni – þekktum sem Black and Tans – til að berja niður frelsishreyfingu Íra af mikilli grimmd.

Flest tilræðin voru gerð í seinni heimsstyrjöldinni . Hið fyrsta átti sér stað þegar nasistar voru að leggja undir sig Frakkland en þá réðist Hélene de Portes greifynja að Churchill með hníf í viðræðum um áframhaldandi stríðsþátttöku Frakka.

De Portes var ástkona Pauls Reynauds forsætisráðherra en líka stuðningsmaður fasista og bar í brjósti djúpt hatur á Churchill.

Súkkulaði sprengjan sem átti að sjá um Churchill
1: Sprengiefni
2: Þunnt súkkulaðilag
3: Málmhulstur
4: Bryti Churchill af súkkulaðinu virkjaðist sprengjan

Sjálfir voru nasistarnir afar áhugasamir um að losna við þennan breska leiðtoga og árið 1943 komu þeir fyrir sprengju í flugvél hans í heimsókn í Egyptalandi.

Leyniþjónustan komst á snoðir um tilræðið og ferðaáætlun Churchills var breytt.

Þjóðverjar reyndu líka að koma súkkulaðistykki með sprengiefni til Churchills sem gjarna vildi hafa eitthvað sætt að bíta í meðan langir fundir í herráðinu stóðu yfir.

Leyniþjónustan uppgötvaði þetta tilræði og súkkulaðið komst aldrei á leiðarenda.

(Visited 920 times, 1 visits today)

Pin It on Pinterest

Share This

Fá þér
áskrift?

Við erum með fullt blað af spennandi greinum einsog þeim sem þú ert búin/n að vera að lesa og meira til.