Verkfræðingar hafa unnið í að minnsta kosti heila öld að því að þróa sífellt sterkari efni.

Málmar hafa lengi haft forystuna en á síðustu áratugum hafa nýþróuð nanóefni reynst þau sterkustu.

Hér er eru fimm sterkustu efni heims.

1. Karbín

Styrkur: 60-75 MNm/kg* Karbín er úr kolefnisfrumeindum sem tengjast á víxl með ein-, tví- og þríbindingum. Í rannsóknastofum hafa verið gerðar 6.000 frumeinda langar keðjur efnisins.

Karbín er sterkara og stífara en öll önnur efni, 200 sinnum sterkari en stál og tvöfalt sterkari en númer 2 á listanum:

2. Grafín

Styrkur: 47-75 MNm/kg

Kolefnisfrumeindir raðast í sexhyrnd mynstur og hvert lag aðeins einnar frumeindar þykkt. Grafín er afar hentugur rafleiðari.

3. Nanórör

Styrkur: 43-50 MNm/kg

Rör úr kolefnisfrumeindum sem raðast í sexhyrnd mynstur og aðeins ein frumeind að þykkt. Þvermálið getur verið allt niður í 0,4 nanómetra.

4. Demantur

Styrkur: 25-65 MNm/kg

Hver kolefnisfrumeind tengist fjórum öðrum í þrívíðu mynstri. Demantar myndast á 140-190 km dýpi í jarðskorpunni.

5.  Zylon

Styrkur: 3,8 MNm/kg

Gerviefni úr lífrænum trefjum. Efnið er m.a. notað til að halda hjólum undir Formúlu I-bílum til að tryggja að þau þeytist ekki af og upp í áhorfendastúkur.

*Meganewtonmetrar. Afl sem stakar trefjar standast deilt með massa trefjanna.