Stjörnufræði

Nýjar athyglisverðar myndir, teknar af gervihnetti NASA, Mars Global Surveyor, benda ákveðið til þess að talsvert mikið af vatni hafi runnið um yfirborð reikistjörnunnar fyrir fáum árum. Reynist þetta rétt, er trúlega enn að finna vatn í fljótandi formi á rauðu reikistjörnunni og það eykur líkurnar á því að vísindamennirnir muni einn góðan veðurdag uppgötva þar smásæjar lífverur.

NASA-vísindamennirnir hafa borið saman allmargar myndir sem teknar voru á sama stað í gíg einum á Mars á árunum 1999 – 2005. Hér mátti sjá að nýjar veðrunargil höfðu myndast. Ljóst yfirborðsefni – leðja, salt eða ís – hefur flust til giljunum á sama hátt og gerist þegar vatn rennur hér á jörð. Ekki eru þó allir vísindamenn á einu máli um að hér hafi vatn verið að verki. Sumir telja líklegra fljótandi koltvísýringur hafi farið hér um.