Fram til 1960 var Aralvatn um 68.000 ferkílómetrar, eða á stærð við Írland. Nú er þetta stóra stöðuvatn í Mið-Asíu ekki nema svipur hjá sjón og það má ljóslega sjá á gervihnattamyndum. Myndin hægra megin er frá árinu 2000 og sú til vinstri er fá árinu 2014. Dökka línan er ummáli vatnsins árið 1960.
Upphaflega runnu tvö fljót í Aralvatn, en eftir að farið var að veita úr þeim vatni til bómullarræktunar á eyðimerkurlandi, hefur vatnið minnkað ár frá ári. 1987 skiptist vatnið í tvennt og nú hefur suðurhlutinn enn skipst í tvö vötn. Vísindamenn reikna með að syðri vötnin tvö, sem eru mjög sölt, muni hverfa alveg, en norðurvatnið er heldur á batavegi.
